الموظفات ديالنا أجي نديرو برنامج ديالنا
عزيزاتي الموظفات
أكبر هم هو أنك تديري برنامج ليمكن تمشي عليه طيلة أيام الأسبوع لهذا كنقترح أنه كل وحدة فينا تقول لينا شنو هو البرنامج دياله باش نستفادو من بعضنا مثلا البرنامج ديالي هو كنفيق في الصباح بكري 6و30 كنوجد الغدا ليا ولأولادي باش كيديوه معاهم للحضانة ونوجد الفطور تم نمشي نفيقهم باش نلبس لهم ونفطرهم ونلبس حتى أنا ونفطر أنا وراجلي ونديهم للحضانة ونمشي للخدة كنرجع مع 4 كنتغدا أنا وراجلي لأنه حتى هو كيخدم توقيت مستمر تم نوض نجمع وكيكونو جاو ولادي كنعطيهم شي حاجة يكلوها ونجلس معاهم شوية تم نوض نوجد للكوتي لكيكون عشا أيضا ونجمع الدار هذا كل يوم اثنين - ثلاثاء - خميس الأربعاء أحيانا كنمشي لدار في 12 باش يمكن لي نقابل ولادي في العشية مكتخدمش الحضانة وكنستغل الوقت باش نسيق الدار ونوجد شي حويجات الجمعة حتى هي أحيانا مكنخدمش العشية كنجلس ونوجد شهيوات التخمال الكبير كنقضيه السبت أما التصبين فوقاش مع تجمع كندير المكينة في الليل تصبن وفي الصبح كنشرو لأنه كنشر غير في الكور الأحد كنحاول نرتاح الحمام في أي يوم في الأسبوع لأنه مكنمشيش للحمام ديال الزنقة قليل وغير في البرد |
تبارك الله على بنتي الحبيبة لالة رشيدة ...
برنامج كامل مكمول نتمنى يدخلو الموظفات وتفيدو بعض ان شاء الله... |
الله يبارك فيك الميمة كنحاول نحداكو شوية
|
تبار ك الله عليك برنامجك ممنظم
|
شكرا هنوءة
واش مكاين حتى موظفة |
تبارك الله عليك رشيدة ربى يعاونك
الخدمة والدرارى والدار راه تمارة |
ها واحد الموظفة معاك ماشي بحديك
اختي راه فعلا ما كاينغير الجرا بالنسبة لي بزاف دالحوايج تنديرهم وتيعاونوني خصوصا فالطياب واخة كاينة المساعدة عندي انا اللي تنطيب مثلا ملي تندير شي سلاطة من اللي تيطيبو تنكثر الكمية بزاف ونقسم فبواطات سواء كان زعلوك ولا فول مشرمل ولا تكتوكة ولا اللي كان الرغيفات والمعجنات تندير نهار نطيب فيه العرارم ههههه وندير فالكونجيلاتور ليباط سكسو الروز حتى هما نفس الشئ ليصوص ديال بيتزا وليباط ماكاين غير الكميات الكثيرة وكنتهنى مدة طويلة وحتى الفينيكريت ديال السلاطة تنعمر قريعة ونبقى نخوي منها حتى تسالي ونصايب وحدة اخرى الدجاج دائما مرة تنطيب كمية كبيرة مرة تنطيب وناخد طريف نعزلو ملي تنحصل نلقى ما نجبد الفياق الصباح بكري ضروري نطيب الغدا للبنات اللي يديو للمدرسة ونوجد غداتنا و لكن واحد القضية حتى نفطر بعدا عاد تنقدر نتحرك ههههه البلاكارات تنطويهم فالليل التصبين تنجمعو ملي كولشي يخرج لشغلو قبل ما نمشي للخدمة ملي نفيق اول حاجة نجمع بيتي من بعد مانكون هويتو والماعن الحاجة اللي توسخات نغسلها فساعتها بلا ماتسنى هاد الشي اللي تفكرت دبا نتمنى نكون افدتكم بشي حاجة |
تبرك الله على لموضفات ديالنا الله أكون في عونكم الخدمة خارجة دار صعيبة ولكن منخافش عليكم تبرك الله المراة المغربية حدكة واعرفة تسير راسها
|
شاكرة النعمة تبارك الله عليك وعلى برنامجك
وكيف قلتي مكاين غير الجرى خاصة أنه أنا معنديش المساعدة يعني كيف كنخلي الدار كنلقاها يدي بوحدي فاظمة، كريمة كيف قلتيو الخدمة والدراري والدار والله حتى صعيبة لكن ربي يقدرنا عليها |
شاكرة النعمة فين مشيتي غير نتوانسو أنا وياك بعد
|
الساعة الآن 01:59. |
Powered by vBulletin® Version 3.8.8
Copyright ©2000 - 2024, vBulletin Solutions, Inc. Trans by