تاويل زهرات البستان مع الضياف

ولله إلى نسيناه هههههه


حنا كنحطو مع اتاي لوز ودوز اتاي إلي هو سبلي أولى حلويات إلي كاين بيستش لكركاع المهم الكسرت إلي متوفرة ولكن أغلبية لوز حيت عندنا في لبلاد هههههه

شوية دواز اتاي على قد الحال ههههه

انا الى كان اتاي قبل لماكلة كنحط معاه لمكسرات لوز كركاع كاوكاو وبيسطاش وقراشل مالحين ولحلوين
ودواز اتاي بلاطو مشكل من لحلوا
والى اتاي ديال لكوتي كنحط معاه مسيمنات وبغريروبيتزات صغار وفطاير متنوعة ديال دجاج وديال لفرماج او ديال لخضرة و سيكارمالح لمهيم حسب لمتوفر

ادا كان اتاي قبل الاكل لابد من المكسرات اللوز محمر بسطاش اكاجو البندق محمر اولا متحاطش قبل الاكل كيتحط بعد الاكل المكسرات مع الحلوي المتنوعة والا كان كوتي اغلبية كنركز علي المملحات المتنوعة الاشكال حيت انا كيعجبني اللمملحات هه والكيك المالحة وكنحط الكيك الحلوي كرواصون رغايف الخ ويدا كانو معايا ناسي اولا ناس راجلي نزيد نحط حتي الخبز وشي 2 اولا 3 انواع من الجبن وبيضات مصلوقين التون فرماج مرتديل كاشير ا زيتون زبدة عسل وكونفتير خبز

هههههه سمحولي انا إلى مشفتشي الموضوع فالواجهة كنساه هههه الزمايمر
حنا كنقدمو اللحم عاد الدجاج وعندنا عادة في الشمال راه عيب إلى تقدم الدجاج في الأول ههههه
المهم على راسي
إلى كنت عاملة الحوت كنقدم سلطة الأرز بالطون والكر فيت والسوريمي في الأول ومن بعد بلاطو السمك
وضروري من كلينكس معاه دابا كايتباع كل ساشي بحدو وزوين ديال الحامض انا كنشريه ديما ونخليه نحطو في الطبلة وكاين عامل بحال فنيد كتحطها فطبيسل وتكب عليها شوية ما وكتولي كلينكس
نرجاع نكمل
بعض المرات كنعمل غير سلطة ونوع اكل واحد وديسير
على حسب الميزانية وعاد حنا بحال لي قالت منولة كأي خصنا نكرمو الضيف حتى يتبلوكة هههههه

ملي يدخل الضيف ويجلس يرتاح كنقدم أما عصير مع جاتو سواري صغير أو إلى جا ووقت الغدا قريب
كنقدم التمر ممسوح بما زهر وحليب منسم على حسب
والى جا فالعشية يعني كوتي كنقدم الشكولا وكنحط العصير مع الكاتو وكنعمل اتاي والقهوة مع بعضهم ونحط لي كتب الله وكندخل المالح حتى هو
وملئ نجمع الصينية كنبقاو شوية ونحط طبسيل المكسرات بوحدو يتلاهوفيه حتى ينوضو بحالهوم هههه
إلى كان كوتي وعشا كنعمل التقديم بحال لي قلت وكايبقى الصينية كنحط القهوة في الاول مع المالح وكرواصة ورغايف ولي كان
وكنبقاو على دودو حتى تبسال القهوة ههههه
كنتسناو شوية ونحط اتاي والحلوة يعني دواز اتاي
العشا بحال عملتلوم كوتي فيه المالح والعجائن
كنعمل الحريرة وقطبان الدجاج وبيتزات صغار
ومن بعد كنحط بسيطلات صغار بالحوت مع سلاطة كبيرة
أولا كنكتافي. غير بآكلة وحدة الدجاج محمر أو مقطع في الفران مع خضر سوطي والديسير مرة تيراميسو أو فلان بالبيض أو غلاص على حسب
هاد ماكان

تبارك الله عليكم وعلى تاويلكم البنات
تا حنا عندنا تنقدمو الدجاج عاد اللحم و تايبقا كل واحد وجيبو وتا شحال من واحد جاي عندو

طبلة ديال السلطات وديرو سطهم الطبق الرئيسي
[عزيزتي الزائرة يتوجب عليك التسجيل لمشاهدة الرابطللتسجيل اضغطي هنا]

تبارك الله عليكم
وعلى افكاركم
كريمة واش ديك الطريقة لي كتعمل واش
كولشي كيعملها في الشمال ولا غير هده طريقتك
الا كان ممكن صوري لينا كلينكس ههههههه
راه البلوة عاملة فينا عمايلها
حنا اتاي كنقدموه بعد الماكلة ومعاه المكسرات و فقاص صغير مالح والحليوات والكيك
اما القهوة كنقدمو معاها طبيسلات ضروري العسل املو الزبدة الزيت فرماج زيتون كونفيتور وبغرير ومسمن وكرواصة
وحتى المملحات والخبز طبعا المهم وكل واحد وامكانياتو

حتى أنا كنحط كلينيكس فازك هادا داروري وشي بعد لخطرات الى نسيتو كندير سريبتات فيهم ما زهر
وهاد لفنيدة لي قلتي اكريمة اه هي زوينة بزاف وهي ليولاو ناس كيديروها فلفراح درتها فسبوع ديال طه غير هي شوية غالية لبيسة دايرة درهم ونص ههههههه